Suliffeqarfinnut

 

Quppernermi uani suliffeqarfissinnut iluaqutaasinnaasunik arlalinnik paasissutissiivugut.

 

 

Pikkorissarfik

 

Niuernermi Ilinniarfimmmi, Nuummiittumi nioqqutigivagut pikkorissarnerit nammineq qinikkat pisinnaasanik suliffeqarfimmi atorfissaqartitanik tunniusisut – suliffeqarfiit, atorfeqarfiit namminersortullu suleqatigalugit ingerlatat.

 

Pingaarteqaarputtaaq, pikkorissarnerup aaqqissuunnissaa suliffeqarfissi sulisussilu pisariaqartilluinnagai aallaavigalugit – soorunalumi pikkorissarnerup pisariaqartitat malillugit pilersaarusiorneranut suleqataassalluta.

 

Pikkorissarfiup saqqaa atuaruk, taamaalillutit illit suliffeqarfiutinni paasissutissat nalinginaasut saniatigut nutaartaqarsoralugit malinnaaffigalugu.

 

 

Ilinniartussarsiorit/suliffimmi misiliisussarsiorit

 

Siullermeerlusi ilinniartortaarniarussi, apeqquterpassuit takkussuuttarput. Malittarisassat suuppat? Qanoq akulikitsigisunik ilinniartut atuariartortassappat? Suliffeqarfimmit suut piumasaqaataappat?

 

Ataani takusinnavarsi qanoq iliussanersusi:

 

 

Suliffeqarfiup akuerisaanera

 

Ilinniartortaarusukkussi/misiliisoqarusukussi, ilinniarfiusinnasutut akuerisaaqqaassaasi. Akuerisaaneq pisarpoq, ilinniagaq aammalu tunuliaqutaq qanorlu ilinniartut ilinniartissinnaanerisi apeqqutaalluni. Niuernermik Ilinniarfimmi Nuummeersup isumagisarpaa akuersissummik immersugassamik pinissaq.

 

 

Ilinniarnissamut isumaqatigiissut immersoruk

 

Ilinniartortaarussi taanna peqatigalugu ilinniarnerup ingerlanissaanut isumatigiissummik allagaqaatiliusssaasi. Ilanngulluguttaaq ilinniartorlu suliffimmi misiliinermut malittarisassaliussaasi ilitsersuutitalimmik taanna Niuernermik Ilinniarfimmi Nuummiittumi pineqarsinnaavoq.

 

Neriuutigaarput, ilinniartortaarnissassinnik soqutiginnilersusi, siunissamilu suleqatigilluarusuppassi.

 

 

Sulinermik misiliiffigisinnaasanut website

 

Kalaallit Nunaanni Brancheskolet website-liorsimapputtaaq, siunnersuutinik pitsaasunik ilitsersuutinillu Suliffeqarfiit, pisortallu suliffeqarfiisa atorsinnaasaannik, ilinniartortaarusuttunut iml. sulinermik misiliisitserusuttunut.

 

Website taanna paasissutissanik piviusunik suliffimmi misiliiffiusinnaasunik assigiinngitsunik imaqarpoq soorlu makkuninnga:

 

• Atorfinitsitsinermi
• Sullivimmi
• Inuussutissarsiornermik ilinniagaqarnermi
• Sungiusarnermi
• Ilinniartup/suliffimmi misiliisup ilinniartitaanera
• Ilinniartup/suliffimmi misiliisup tunuliaqutai
• Suleqatigiinneq (Atuarfiup – misiliiffiullu akornanni)
• Suliffiup iluani pissutsit

 

Neriuutigaarput, una website suliffeqarfimmut soqutiginnilersitsisoq ilinniartumut/misiliisumut suliaqarneranut.

 

Paasissutissanik amerlanernik pisinnaavutit Niuernermik Ilinniarfik, Nuuk attavigalugu. Telefon + 299 323099 imaluunniit e-mail ninuuk[at]ninuuk[dot]gl.